ГӀалгӀай мехко гӀо деча Токмака, ВСУ террористаша зулам даьд
ГӀалгӀайчено новкъостал лоаттадеш йолча Запорожски областа Токмакски кхале, бус ВСУ террористий оагӀорахьара даьча зулама кӀалйисар. Маьрша бахача наха, из а къаьстта дукхагӀа зулам де лаьрхӀа, вӀаштӀара даьча, кхален юккъе латтача цӀеношта йоккха топ чутехар, дагадоацача хана. Цигара кхаьчача хоамо яхачох, тийшача балхах террористаш техача доккхача герзах велар 10 саг, шиъ бер а да цу юкъе, дукхачарна човнаш а хилар.
Хьалхарча миноташка, цӀаькха а йоккхий топаш тохара кхерам болаш лаьттача хьалашка, яьнна цӀи а йоайир, гӀишлош чухаьрца кӀалбиса нах а арабаха болабелар Токмака сихача гӀон болхлой. Таханарча дийнахьа, чухаьрцача гӀишлон чура араваьккхар кхы а пхи саг, шиъ мичав ца ховш ва.
Лозабаьраш Токмакски дарбанче дӀабигаб, царна тӀалатташ, къахьегаш ба лораш. Иштта лораша болх бу байнарий гаргарча нахаца.
Тхов-кӀийле йоацаш бисараш Токмака Ӏаьдало хӀанзарчоа лаьрххӀа кийчъяьча моттиге дӀабигаб. Волонтёраша цига мел эшаш дола хьалаш лоаттаду цу наха, метта поартал, кхачан продукташ, хьалхарча аргӀагӀа эшаш бола гӀирс. Унзарча хьалашка нийсбеннарашца болх беш ба психологаш. ВСУ оагӀорахьара террористически зулам дарах, шахьара даькъ тӀара хьал толхадаьд. Бахача наьха 25 цӀагӀа а иштта вӀаштӀара даьча цӀеношка а газ яц.
«Хиннача зенага хьожаш ба, терко йоацаш саг вусаргвац. Царна иштта материальни новкъостал дергда», - аьлар Запорожски областа губернатора Балицкий Евгене.
