ГӀалгӀайчера тохкамхо турпалал гойташ ва, СВО дакъа лоацача
Цхьан тӀема даькъ тӀарча командира «МагӀалбика» тохкамхой отряда кулгалхочунга Зейтанаькъан Беслана цӀерагӀа каьхат яздаьд, Донбасс лораеш Россе дӀахьош йолча лаьрххӀача тӀема операце дакъа лоацаш волча тохкамхой тоабан болхлочунна Гаьгенаькъан Мухьмада баркал оалаш.
«Тахан Даьхено ший къонгаш тӀахьийхар, цхьаккха тайпара ди боацача бӀехача гӀозарца къовсам лоаттабара, салтий, сержанташ, прапорщикаш, эпсараш шоай са ца кходеш духьалъэттаб цу моастагӀашта, Даьхе лораеш.
Оаха доаккхал а деш хоам бу шун мехкахочо тохкама тоабан зӀамагӀа волча сержанта Гаьгенаькъан Мухьмада, детташ долча герзашта юкъегӀолла, мостагӀчоа тӀаводаш, денал -майрал гойташ, турпала гӀулакхаш гойташ, тӀема декхар дизза кхоачашдеш, ше Даьхенна тӀема дув буаш денна дош доха ца деш, хӀара денна вай Котало гаргайоалаеш из хьавоагӀаш хиларах. Цо тӀом бу Россе цхьоагӀонна, цун цаӀ хилара тӀехьа, дерригача дунен тӀа машар хилийтара, вай берий сийрда кхоане хилийтара, вай даьшта карагӀдаьнна гӀулакхаш диц ца дара, вай вошал долча къаман кортамукъале хилийтара тӀехьа», - яздаьд полковника О.Воронина.
ГӀалгӀай къаман дикагӀбарех цхьа воӀ ва Гаьгенаькъан Мухьмад. Из тахан моастагӀчоа духьалъотташ ва вай боккхача мехка дахача къамий паргӀато, Россе кхерамзле лораеш.
