Гӏалгӏайчен полице тӏахьожам чӏоагӏбир наькъашкарча кхерамзленна
Гӏалгӏай Республикан Наьсарен кхале дӏайихьар йоккха «Сунт» яха операци, из лаьрхӏа яр наькъашкарча кхерамзлен ӏалашо яра, иштта цо гуча боахар ПДД телхаераш. Рейда кхетаченаш вӏашагӏъехкар Гӏалгӏай Республикан чурча гӏулакхий Министра декхараш кхоачашдеш волча Козярски Алексея, цо оттадаьча декхарах уж дӏайихьар Наьсаран кхале гӏолла йолча Россе ОМВД, иштта МВД кхыча доакъой болхлоша, яхаш, хоам бу «Сердало» газетага Гӏалгӏайче гӏолла йолча МВД зарбан болх лелабераша.
Операци дӏахьош Долакха-Юрта гучадаьлар 43 административни наькъа бокъонаш телхаяь хилар. Цул совгӏа, цу моттиге кораш баьддеш теха хӏамаш ӏояьхийтар 5 машена тӏара, 4 транспорт полице отделене ӏочуйигар.
Полковника Козярске, ше тӏахьожаш, дӏайихар рейдаш, Гӏалгӏай Республике гӏолла йолча МВД Юкъарлон Совета кулгалхочунца Гаданаькъан Мусайца, иштта Гӏалгӏай Республике гӏолла МВД УГИБДД кулгалхочун декхараш кхоачашдеш волча Зурабанаькъан Султанаца. Цар кхетам балара болх дӏабихьар бокъонаш телхаерашца.
«Полице, кхы тӏера ца йоалаш, из болх дӏахьоргба, республикан хӏара хьаьшан, вахархочун кхерамзле ӏалашъеш, миччахьа из вале а.
Дин, моттигерча доал деча даькъ тӏара викалаш а болаш, бокъонаш телхаяьча кагийча наьха гаргара нах, боккхагӏа бараш а болаш, Козярски Алексея, Гаданаькъан Мусас, Зурабанаькъан Султана къаьстта белгалдир цу тайпара дола хьал чакхдаргдацилга; цу юкъе, масала, гӏалгӏай ӏадат, эздел, дино яхар, закона боарам бувцаш.
«Закон лорадар я дика дегӏаенача граждански юкъарлон кӏийле, паччахьалкхен вахара цхьоагӏо», - аьлар Гаданаькъан Мусас.
