Полице гучадаьккхар, миграционни бокъонаш телхаеш хилар
ГӀалгӀайчен полице белгалйир, Магасе Малсаганаькъан Д. цӀерагӀча урам тӀа хьалъеш латта гӀишло. Мехка гӀолла йолча МВД миграце хаттарех, иммиграционни тӀахьожама йолча отдела болхлошта гучадаьлар цига гӀуозлой къамах вола ялх вахархо, миграционни бокъонаш телха а еш, вахаш хилар.
«Хьем боаццаш-профилактика болх дӀахьош, юкъе нийсденна кхоачамбоацараш юстардаьхар. ТӀахьожама болх дӀахьош, полице болхлоша миграционни бокъонаш телхаяь хиларах ийс протокол оттадир», - аьлар «Сердало» газетага ГӀалгӀай Республике гӀолла йолча Россе МВД зарбан болх лелабераша.
Кхыча паччахьалкхен цу бахархошта, Россе бахаш хила бокъо луц, е болх бе а йиш йолаш бац уж, царга доагӀаш дола каьхаташ цахиларах. Карарча хана, царна бокъонах ца боагӀаш бола болх бенна саг лохаш ва полице.
