Магасерча наькъашкара хьал теркалде, арабаьлар полице болхлой
19.08.2024 10:32
Наькъашкара кхерамзле лораяра тӀехьа, болх дӀабахьа арабаьлар полици болхлой Магасе. Из хоам «Сердалога» бир МВД къахьегамхоша.
«Чухьарча гӀулакхех йолча республикерча министерствон кулгалхо волча полице инарал-лейтенанта Коробкин Михаила могадарах, МВД болхлоша Магасерча наькъашка «Сунт» яха рейд дӀайихьар. ДӀабихьача балхо гучадаьккхар тайп-тайпарча оагӀонашца дувзаденна 53 кхоачамбоацар.
30 совгӀа машина кораш тӀара кизгаш баьддаь хӀама Ӏояьккхар. Наьха кхерамзле лораяра тӀехьа, наькъашкара хатараш ма хулла лаьгӀде дӀакхухьаш ба из болх.
Машинашца леларашта хьалхадаьккхар, теха гӀод ханнахьа дӀацатакхаро из гӀулакх кхы а чӀоагӀагӀа чоалхане дерзаделга.
