Лочкъаяь хинна машина оатхалаш гучаяьлар полице болхлошта
27.08.2024 10:02
Лочкъаяь хинна машина оатхалаш Долакха-Юртара хьакорайир полице болхлошта. Из хоам «Сердалога» бир МВД болхлоша.
Наьсарен кхален Россе ОМВД полице викало болх дӀабихьар, ахкан тӀехьарча бетта 11-ча дийнахьа ТӀой-Юртара лочкъаяь машина оатхалаш лохаш. Долакха-Юртарча аьшка тиша хӀамаш дӀачуийеча моттигера хьакорайир оатхалаш», - йоах тхога бенача хоамо.
Аьшка хӀамаш дӀачуийеча моттига дас аьнначох, ВАЗ-21114» яхача машинаца хиннача малаш ба ца ховча кхаь сага ехкай цунга аккумулятор.
Массабола оагӀув тохкаш, болх дӀабихьача полице гучабаьхар къоал даьраш, царна духьала бехк бу гӀулакх хьадийллад.
