ДӀа-хьа ухаш йолча машинаца, республикера дукха адам чакхдаккха аьттув баьннаб, вай унахцӀенон оагӀон болхлой. Из хоам «Сердалога» бир Мехкадаь зарбан болх лелабераша.

Лаборатори йолаш, бӀаргса, къамаргаш-лергаш-мераж малагӀча хаьала тӀа я хьожаш чакхбала йиш йолаш, мел эшача хӀаманца Ӏалашъяь я уж машинаш. Анализаш дӀачуяла, лораца шоай лазарах дувца аьттув ба наьха», - белгалдир вай Мехкадас цу балхах дувцаш.

Келаматанаькъан Махьмуд-Ӏаьлас хьоахадир, шоаш бахача моттигера ара ца боалаш, моттигерча лорашка чакхбала йиш хилар доккха дика да, аьнна. Из болх, кхы а чӀоагӀагӀа дӀашербеш, дӀабахьа беза, аьлар Мехкадас. Эггара хьалхарча аргӀагӀа теркалбе беза ха яха нах, унахой, зӀамига бераш.

Республикан кулгалхочо белгалдир, РФ Президента чӀоагӀонца дӀадоладаь из дика гӀулакх, шоай унахцӀенон хьал довза ловрашта атта хургдолча тайпара дӀадахьа дезаш хилар.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде