Шоай боахаме къахьегарех дикагӀчарна, ах миллион ахча лургда
Шоай коарча боахаме къахьегаш, эггара хьинарегӀа болх берашта, ах миллион ахча дала лерхӀ. Из хоам «Сердалога» бир цу гӀулакха тӀахьожам бераша.
«Сурт, видеогойтам болаш ОМСе каьхаташ дӀачудала деза дакъа лаца безам бараша. ЛаьрххӀа оттаяьча комиссе тохкаргда из гӀулакх. Эггара дикагӀа боахам бараш белгалбаь, хьалхара моттиг яьккхачоа 500 эзар сом лургда, шоллагӀча моттиге волчоа- 300 эзар сом, кхоалагӀа моттиг яьккхачоа - 200 эзар сом», - йоах тхогарча хоамо.
Цул совгӀа, хьинаре къахьегаш, шоай коа тайп-тайпара беркат, оалхазараш кхедерашта юкъерча ткъаь сага ахчанца гӀо дергда.
Белгалде деза, иштта дӀакхухьача яхьаша моттигера беркат доаржаделга, къахьегарий кхы а чӀоагӀагӀа хӀама хьаде чам айбелга. Вай кхувш латтача тӀехьенна а, хоза масал эца моттиг я из.
