УФО массазарча ГӀалгӀайчен викало ламаза кӀувсаш Ӏалашдир тӀема доакъашхошта
03.05.2024 09:16
Ламаза кӀувсилгаш; дуӀаш, аяташ тӀадола книжкаш, беттигаш, сулхьаш дохьийтаргда Донбассерча тӀема операцен доакъашхошта лаьрхӀа. Из хоам «Сердало» газетага бир Москверча ГӀалгӀайчен массазарча викалаша.
«Керттерча тӀема куран 43-ча къаьсттача цӀермашиннаькъа тоабан бӀухоша Уральскерча федеральни куран ГӀалгӀайчен массазарча викалга Овшанаькъан Къурейшага дехар дир, Къилбаседа Кавказерча, иштта кхыболча бусалба наха лаьрхӀа ламаза кӀувсилгаш Ӏалашде шоашта, аьнна.
Цар дехар кхоачашде оарцагӀваьлар Овшанаькъан Къурейш.
