СЗФО массазарча ГӀалгӀайчен викала баркал кхайкадир
07.05.2024 09:25
СЗФО гӀолла волча ГӀалгӀайчен массазарча викала Гадаборшанаькъан Мухьмада баркал кхайкадир Ленинградски областа губернатор волча Дрозденко Александра. Из хоам «Сердало» газетага бера миннацера.
«Дуккхача шерашка бехктокхаме, хьинаре къахьегаш хьавоагӀа Гадаборшанаькъан Мухьмад. Шийна хьалхашкара декхараш дизза кхоачашдерех ва из», - йоах хоамо.
Дега чӀоагӀа тоам хул, тайп-тайпарча моттигашка болх дӀахьош болча вай мехкахошта иштта баркал кхайкадеш хилча. Яхь йола, эздий къонгаш вай хиларо дог гӀоздоаккх.
