Зӏамигача бера наьна бокъонаш меттаоттайир, УПЧ леткъача
21.01.2026 17:03
ӏаьлий-Юрта яхаш йолча зӏамигача бера наьнагара, лоткъам кхаьчар мехкарча УПЧ. ӏаьдалгара бера хьадоагӏаш дола ахча хьадала ца тугаш, йиш еха кхесташ яр из саг. Бахьан - къахьегарах дола каьхаташ цахилар. Кхалсага белгалдир, кхо шу даланза долча берага хьожаш хиларах, ше болх бе йиш йолаш цахилар. Бакъда из хӏама теркалдаьдац цхьанне.
«Сага бокъонех волча викала цун гӏулакх Россе керттерча Вахара оагӏонцарча ганзага гӏолла хьатехкар. Кхалсага яхар бакъдолга белгалдир цига. Бера доагӏаш дола ахча хьаухаргдолаш вӏаштӏехьадаьккхар УПЧ», - дийцар «Сердалога» сага бокъонех волча викала.
Хӏанзчул тӏехьагӏа 100 процентага кхоачаш, ахча хьаухаргда цу кхалсага. Наьха бокъонаш лораяра тӏехьа, болх белга хьахьекхар УПЧ укх наькъа а.
