Прокуратура юкъееначул тӀехьагӀа, унахочун молхаш дӀаелар МагӀалбике
25.06.2025 14:14
Шийна йоагӀаш йола молхаш хьалуц, аьнна, леткъар МагӀалбикера вахархо шахьарерча Прокуратура болхлошка. Из хоам «Сердалога» бир цу моттигера.
Хьалхарча группа заӀапхо вола из Ӏаьдалгара, мах боацаш. молхаш ийе бокъо йолаш ва. Тохкама балхо хьагойтар, Минздраво цунна йоагӀаш йола молхаш дӀа ца еннилга.
Прокуратура болхлой оарцагӀбаьнна меттадоаладир из гӀулакх, цул совгӀа, цун мел доагӀаш дола хӀама меттаоттадергдолаш суде лоткъам чубелар цар. Из гӀулакх тохкаш ба суде.
