Петербургерча ГIалгIайчен массазарча викала фусаме цIихезача наьха къахьегам белгалбир
Украинерча тIема операце доакъашхой оагIув хьаллоацаш, къамашта юкъера барт, бувзам чIоагIбеш, пайданна а диканна а хургдолча хIаман тIехьа къахьегаш хьабоагIараш белгалбир Петербургерча ГIалгIайчен массазара викал волча. Из хоам «Сердало» газетага бир ГIибухерча-Малхбузен оагIон ГIалгIайчен викал волча Овшанаькъан Муслима.
«20 совгIа бола вай мехкахой, боккха бизнесменаш белгалбир «Яхь лораяр» яха орден, «СВО гIо лоаттадарах», «ТIема новкъостал дарах», «СВО Ветераний Союз» яха майдилгаш луш», - йоах тхога бенача хоамо.
Санкт-Петербургерча къамий ЦIагIа «РФ лоархIаме вахархо» яха цIи елар ООО «ГIибухера Столица» яхача оагIон кулгал деча Пхьилекъонгий Зоврбика. Дуккхача шерашка дикача хIаман тIехьа къахьегаш, Донбасса, тIема операце доакъашхошта гIо лоаттадеш хьавоагIача вай мехкахочо даьр лакхача боараме оттадир.
Цу кхетаче дакъа лоацаш бар Санкт-Петербурга вице-губернатор Потапенко Игорь, нах дIа-юха баха ахарах йолча политиках, къамашта юкъерча бувзамех йолча Комитета хьалха латта Капитонов Олег, балха тIара мукъабаьннача Санкт-Петербургерча, Ленинградски областерча эпсарий Союза кулгал деш вола Сахаров Вадим, СВО ветераний ерригача Россе Союза президента гIонча, республикерча оагIон хьалха латта Томбенаькъан Мовсар.
