Декхар ханнахьа дӏадаларах, дийцар вай мехка
Мехкадас Келаматанаькъан Махьмуд-ӏаьлас кулгал деш дӏайихьача кхетаче дийцар, ЖКХ оагӏонцара декхар ханнахьа дӏателарах, «пилотни» оала программа йоаржаярах, цу оагӏонца дувзаденнараш меттадоаладе дагахьа.
2025-ча шера наджгоанцхой, лайчилла бетташ юкъелоацаш дӏабихьача тохкамах; газах, хих ахча дӏателаш хилар геттара лоха латт. Из хьал тоадара тӏехьа дӏабахьа безача балхах, рейдаш йоаржаярах дийцар кхетаче.
Укх кӏира дӏаболаберга муниципалитеташка цу оагӏонцара болх. Цул совгӏа, нах дӏаязбеш дӏабихьача балхаца а деррига вӏашкадоагӏаш дац. Ер шу доладелча денз, цу оагӏонцара болх дӏахьош 5000 совгӏа дехараш да суде чуденнараш.
«Вай массане йоккха терко лоаттае езаш хӏама да из. Тӏалатта декхар ханнахьа дӏадаларга хьежжа хургба цу оагӏонцара хӏара цӏагӏара болх. Цу оагӏонцарча министерствонна тӏадиллад тахан, бахархоша боаггӏача боараме декхар дӏатергдолаш болх лоаттабе, аьнна», - белгалдир вай Мехкадас.
