Наьсарерча Изумрудни оалача урам тӀара цӀи дӀайоайир МЧС
23.07.2024 13:03
Наьсарерча Изумрудни оалача урам тӀа яьнна цӀи йоае арабаьлар «Аьрзи» яхача сиха оарцагӀа ухача тоабан болхлой. Сов сиха оарцагӀбаларах цӀи дӀайоае аьттув баьлар, Даьла къахетамца. Из хоам «Сердало» газетага бир МЧС къахьегамхоша.
«ЦӀи яьннача моттиге сиха дӀакхаьчача болхлошта дайначох, лотаеннар саг чувахаш йоаца вагончик яр. 15 кв метр лоацаш, дӀа-хьа баьржабар цӀера ала. Даьла къахетамца, сага хӀама ца деш, дӀадийрзар из хатар. ЦӀи ялара бахьан тохкаш ба карарча хана», - белгалдир МЧС болхлоша. Бахархошка кхайкарал ду! Боккъал а лоралуш хила, цӀи ялара кхерам болча бахьанех!
Иштта Ӏимеца денош латтача хана, къаьстта фийла хила веза. Хатар хинна моттиг хилча, телефон дӀатоха еза номер - 112.
