«Болх дика вӀашагӀбелла хиларах, балха шин моттига викалаша де дезарий план шоаш яьккхар. Из болх вӀашагӀбеллараша лаьрхӀар дар, росгвардейцаша, кӀалхарваккхарах болча болхлоша, вӀаштӀара даьча цӀеношкара бахархой арабахар, цига яьнна цӀи йоаяр. Шинна оагӀорахьарча болхлоша дика кхоачашдир хьалхашка оттадаь хинна декхараш», - аьлар хоамо.

Росгварде урхаллен даькъ тӀарча цӀи йоаяра кхерамзлен инспекце кулгалхочо, капитана Маценаькъан Рамзана яхачох, цу тайпара дӀахьоча Ӏомавалара балхо дукха хӀама довзийт, чоалханера хьал эттача фу де деза хайташ. ЦӀерах кӀалхарваккхара болхлошта шоашта юкъера бувзам дикагӀа лелабе а таро хул.