«Со раьза яц Вахара ганзо, са берех цхьаннена 50 процент мара ахча ца хьожадара. ЗӀамагӀа волча воӀа доагӀаш дола ахча нийса дӀалаьрхӀадац сона, цкъара долча ахчанна аз дехар дӀачуделча денз, со цунга хьожаш ягӀарах сона хьаухаш дола ахча хила дезачул кӀезигагӀа да, цунна тешал ду банкера хьаденнача каьхато. Аз дех сай а сай бера а вахара бокъо меттаоттаяр», - яздаьд кхалсага.

ГӀалгӀайчен керттера бокъонаш меттаоттаяра волча викало, кхы тӀехьа ца тотташ, Россе Вахара ганзо дӀадийхар из гӀулакх, кастлуш даь гӀалат нийсдир.

«Цу тайпара, из гӀулакх тахкарах, хӀара бетта хьадоагӀаш дола берий ахча 100 процент хургдолаш соцам бир, из ба вай республике гӀолла долча хьалах хила боагӀа боараме, хӀаьта из хул 14 эзар 294 сом», - аьлар «Сердало» газетага ГӀалгӀай Республикан УПЧ хоамий-аналитически даькъ тӀа.