Спортацара говзал, низ гойташ хилар бокъонаш лораераш
Кулгаш гӀортадарах, геракаш ийеш йолча яхьашка дакъа лоацаш хилар вай мехкарча МВД болхлой. Из хоам «Сердалога» бир цу моттигерча болхлоша. Республикерча МВД оагӀон кулгалхо, Ерригача Россе физкультурах, спортах йолча «Динамо» яхача юкъарча паччахьалкхен цхьанкхетара хьалхале лелаеча полице инарал-лейтенанта Коробкин Михаила соцам баь, дӀахьош дар из гӀулакх», - йоах хоамо.
Яхьа керттера декхар - МВД болхлошта юкъе спортацара безам чӀоагӀбар, из хӀама доаржадар. ТолашагӀа йола тоабаш белгалйир яхьашка, доакъашхошта яйзар спортацара кӀоаргаленаш. Вай республикерча МВД тоабаш яр дакъа лоацаш хиннараш. 12 дозалах шоай низ гойташ хинна 36 спортсмен котваьлар цига.
Майдилгаш, грамоташ елар хьалхара моттиг яьккхарашта. Республикерча Россе ФСБ анзорий оагӀонна кхаьчар кхоалагӀа моттиг, шоллагӀа моттиг - МВД болхлошта, хӀаьта хьалхарча моттиге эттараш бар республикерча Россе МЧС къахьегамхой. Кубкаш, дипломаш делар царна. Берригаш раьза болаш, сакъердалуш дӀаяхар яхьаш.
