Наркотикашца базар лелаю зуламхо лаьцар Ӏаьдала болхлоша
28.04.2025 09:15
Наркотикашца базар лелаю зуламхо лаьцар укх деношка Росгварде болхлоша. Из хоам «Сердалога» бир цу моттигера. Ӏаьдала болхлоша белгалдечох, зуламхо дӀалаьцав ший цӀагӀара.
Йокъаяь, баьццарча беса хӀама юкъейоалла каьхата 30 гурмат чуйола банка яр зуламхочунга. Хьажах наркотик йолга кхетадеш я цу чура хӀама. Цу тайпара кхоачам чубола тӀормиг корабир Ӏаьдала болхлошта, цӀагӀа чухьежача.
Экспертизо хьахьекхар, из марихуана яха «дохьаж» долга. «Беркут-Юг» ОМОНА болхлоша МВД дӀавеннав зуламхо, цун гӀулакх дӀахо тохкаргдолаш. Белгалде деза, зуламхо хьалхагӀа суд текха волга.
