Тийда улла 27 попа хи гучабаьлар Ӏаьдала
11.10.2024 09:45
Хьун берката тӀакхайдараш малашб тохкаш ба Шолжа кхалерча полице болхлой. Из хоам «Сердалога» бир МВД.
«Россе МВД «Шолжа кхала» яхача МО хоам кхаьча, хиннар тахка арабаьннача Ӏаьдала болхлошта байра, Галашка тийда улла поп яхача гаьний 27 хи», - йоах хоамо. 3 метр дӀоахал, 30-60 сантиметр сомал йолаш да хенаш. 10 кубометрага кхоачаш да уж. Шолжа кхалерча хьун боахамо тӀахьожам лоаттабераша Ӏочуйихьар хьу, хӀаьта полице болхлой хьуна зе даьраш лохаш ба.
