Ашарий цӏай дӏадихьар Юкъерча Ачалкхен культуран Цӏагӏа
«Дешархошта йола культура» яха проект дӏахо а гӏадбугаш я Юкъерча Ачалкхен кхувшбоагӏараш, ший сийрдача дешара оагӏонашца.
Халкъашта юкъера ашарий ди дездеш, моттигерча культуран Цӏагӏа безаме сахьат дӏадихьар «Ашараш вай вахаре» яха, цига хиннача наха цох боккха салоӏам а хилар.
Цо ший тайпара гойт гонахьара ӏалам а дуне а; самукъадоаккхаш боккхийчар а кагийчар а. Берашта довзийтар эзараш шерашка денз, ашарашца самукъадоалаш адам хьадоагӏаш хилар, из ший дега паргӏато хьагойтара бола кхоллама никъ хилар, цунца дувзаденна къамий а массадолча халкъий а ӏадаташ хилар, культуран оагӏонаш чӏоагӏъеш леладеш хилар», - аьлар «Сердало» газетага из болх вӏашагӏбеллараша.
Хьалхарча даькъе довзийтар ашарий гӏирсаш. Бераш цунга боккхача безамца хьожаш дар, иштта цар дакъа лаьцар уж довзий хьожаш деннача хаттарашта жоп луш, цул тӏехьагӏа дӏалокхача хана шоаш нийса аьннадий хьожаш. Юххера а, дӏайихьар ший тайпара салоӏама оагӏув - сатем эттача оаз хозий хьожаш. Цо таро елар берашта кердача ашара оаз йовза.
Цу кхетаче таро хилар берашта ашарашца дувзаденна дуне довзийта, иштта уж шоай тайпара тӏаэца ӏомабир. Хӏара бера таро яр хозаленах кулг тоха, цун мах бараш довза.
