Дикала цIай хилар Арште берашта лаьрхIа
Сакъердамеча наькъ тIа яха кхетаче хилар берашца, Арштерча культуран цIагIа. Культуран-салоIама моттиго библиотекаца цхьана, кхетаче вIашагIъеллар берашта лаьрхIа. «Деррига фаьлгаш - тхо долча хьоашалгIа», яхаш, яр кхетачен цIи. Цох доккха совгIат хилар юртарча зIамигача бахархошта, эрсий халкъа фаьлгий дунен чу шоаш кхачарах.
«Из еррига кхетаче дIахьош тамашийнача дунен тIа шоаш кхаьчача санна хеташ хилар бераш. Цар боккхача безамца дакъа лаьцар тайп-тайпарча доакъош ка шоашта безаш бола фаьлг бешар, хозача фаьлгашка хьежар, кхыдола ловзараш дар. ХIара бера хеташ дар тамашийнача исторе турпал ше волаш санна», - аьлар «Сердало» газетага из кхетаче вIашагIъеллараша.
Халкъа фаьлгаш чIоагIа эшаш да берашта, царга гIолла дукха дунен тIара хIамаш довз царна. Иштта цар Iомаду вахарера керттердараш - къахетаме, денал долаш, доттгIал леладеш, даьхе езаш хилар.
Таьрахьий технологей зама латтача хана, лоархIаме да царна довзийтар дешара Iадаташ, халкъа хьаькъала хьалаш, уж ноахалга кхачийтар.
Фаьлга дешо бераш Iомаду хоза дуне довза, диканга кхача. Цо новкъостал ду дикагIдар тIаэца, шоашта ховш дар дегIадоаладе.
