Ӏомалуш йола ИнгГУ курсаш чакхйоахаргья мехкарча хӀама хьадераша
Магасерча паччахьалкхен университете Ӏомабарах йола курсаш чакхйоахаш хургба вай мехкара цхьацца хӀама хьадеш бараш. Цох лаьца дийцар «Сердало» газетага 2024-ча шера баьча балхах дувцаш хиннача кхетаче бизнес бокъонаш лораеча Дзовранаькъан Заьлмахас. Цу проектага гӀолла, шоай бизнес нийса, боаггӀача боараме дӀахьо, кхерам барех лорабала, кхоачамбоацараш юстардаха Ӏомалургба бизнесменаш», - белгалдир Заьлмахас.
Моттигерча программан юкъе я цу оагӀонцара кхетам лакхбеш йола кхетаченаш. Карарча хана, 2025-ча шера гуйран хьалхарча бетта дӀадолалургдолча дешаре дакъа лаца безам барий каьхаташ, дехар чуэцаш болх беш ба УПП доакъашхой. 50 саг ва из курс чакхйоаккхаш, дешар чакхдаьлча доакъашхой белгалбергба сертификаташца.
Иштта Дзовранаькъанчо теркалдир, бизнес йоаржаяра тӀера мехка лаьрхӀа из оагӀув хьаллоацаш йола ганз, хӀама йохкара промышленни палат, зӀамигача, йоккхача бизнеса гӀо деш йола моттиг, АНО «Са бизнес» яха промышленность йоаржаеш йола Ганз хургйолга.
