Болх дӀабахьа эшаш бола керда гӀирс эцаш, лизингах дӀачулуш хила йиш я из.

«Керда хьадаьнна гӀирсаш хӀама хьадеш боахкарашта мел эшаш да кхетаду оаха. Цудухьа, мехкара субсиди эца Россе Минпромторге дехар чуделар. ГӀадвугаш да, вай дехар цар дӀатӀаэцар, республикера бизнес йоаржае ахча хьакхаьчад вайга», - белгалдир вай Мехкадас мехкарча бизнес-проектех дувцаш. 

Республикан кулгалхочо тӀатехар, иштта доккха гӀо хилча, болх ма хетта дӀабахьа, хьаеш йола хӀама лакхача боараме арахеца хала доацилга. Цул совгӀа, 5% кхоачаш новкъостал лоаттаду ахчанца кхо шу хьалха мехка кхеллача промышленность йоаржаярах йолча ганзо.

Белгалде деза, из беррига боккха болх вай мехкара экономикан хьал айдара тӀехьа дӀахьош болга.