120 эзар сома шийна зе дир интернетага гӀолла базар е еннача вай мехкахочо
05.09.2024 11:44
Цхьацца хӀама йохкаш, базар лелаеш йолча вай мехкахочо лаьрхӀар, интернете гӀолла хоам баь, бохкаш бола берий кхача эца. Маьха дикка чухьнахьа дола берий даар юхадехкá, шийна хӀама тӀерадаккха яьллай вай мехкахо. Бакъда кхача бохкаш вагӀар вайна дӀаваьннав, 120 эзар сом ахча шийга дӀакхаьчача.
Шийна тийшаболх баьлга кхетадаь, кхалсаг полице болхлошкара оарц деха ений. Из гӀулакх тохкаш, зуламхо лохаш ба МВД къахьегамхой. ХӀара денна кхайкарал деш латт Ӏаьдало, боккъал а малашб ца ховча, интернете гӀолла базар лелаеча нахаца бувзаме ма дувла, фийла хила, оашош леладечун кӀеззига уйла е, яхаш. Бакъда, Ӏехабеннараш хӀара денна гучабувл. Ма ахийта малаш ба ца ховча наха ахча дӀатӀа! Ма Ӏехадайта шоаш!
