Унахцӏенон колледжа студенташца кхетаче дӏайихьар кагирхой кулгалхочо
Кагирхой гӏулакхех йолча комитета кулгал деча Малсаганаькъан Адама кхетаче дӏайихьар, Гаьгенаькъан А. Г. цӏерах йолча унахцӏенон оагӏонцарча Къаман колледжа студенташца. Из хоам «Сердалога» бир цу моттигера.
Колледже дешашбараша шоаш лаьрхӏачох, йоаржае гӏертача проектех дийцар кхетаче. Кагирхой моттигашка шоаш лорабеш духьалъотта мехкарий ӏомабеш йола секцеш хьайийллача дика хургдар, аьлар кхетаче; иштта доал доацаш лела миска хьайбаш леладе моттиг хьаелла грант яккха гӏо дар дийхар цига.
«Роскагирхой» яхача федеральни оагӏонцарча яхьашка дакъа лоацаш фу де деза хьалхадаьккхар Малсаганаькъан Адама, могаш дола гӏо дергда ше, аьлар. «аханарча кхетачено хьагойтар, къонача тӏехьенна дагадоахкараш дукха долга. Шоай кхоанен уйла яь ца ӏеш, гонахьара хьал тоадергдараш дагадоахк царна - хьайбашта гӏо де ловш хиларгара болабенна юртий хьал тоадарга кхаччалца», - белгалдир Малсаганаькъан Адама.
