ГӀалгӀайчен профсоюзий кулгалхо Оздой Хади Сочерча семинара доакъашхо я
02.06.2025 12:08
«ГӀалгӀай Республикан вӀашагӀтехача профсоюзий» кулгалхо Оздой Хади дакъа лоацаш хилар, Сочи яхача шахьаре дӀахьош хиннача Ерригроссийски семинар-гулламе, яхаш, дийцар «Сердало» газетага моттигерча профсоюзаша.
Керттера декхар дар, вай мехкарча профсоюзий болама болх чӀоагӀбар. Диъ дийнахьа из болх дӀахьош, 100 викало шоай балха говзал дӀа-хьа йийкъар, тахан шоай балха даькъ тӀа нийслуча халонех дийцар. Гуллама доакъашхоша хьоахадир шоай балха юкъе сага кхелла интеллект яккхарах, пайдана йола оагӀонаш дӀа-хьа ийцар, ФНПР чуйоагӀача компаней болх тоабарах дийцар.
Кхетаченах дувцаш, Оздой Хаде белгалдир, профсоюзий болх вӀашагӀболлара йола оагӀонаш ювцаро, говзанч-хьехамаш дӀадахьаро моттигашкарча профсоюзий балха дикка пайда бахьаш хиларах.
