«Культура. Медиа. Таьрахь» яхача кхетаче дакъа лоацаш хилар вай мехкахо
Москверча «Москино» яхача кинозавода доазон тIа дIайихьар «Культура. Медиа. Таьрахь» яха халкъашта юкъерча кхетаче.
Цига гулбеннабар культуран институташка, СНГ, иштта кхыча паччахьалкхенашкарча моттигий технологически компанешкара къахьегамхой. Цига дакъа лоацаш хилар ГIалгIайчен Москвера массазара викал а. «Кхетаче дувца оттадаьча керттердарашта юкъе дар хьакхеллача хьаькъалца, таьрахьашцарча проекташца, иштта тахан хьадаьржарашца дувзаденнараш»,- дийцар «Сердалога» ГIалгIайчен массазарча викала фусаме. Программан юкъе 50 совгIа тематически сессеш, къамаьлаш дар. 20 мехкара 160 совгIа спикер вар гулбеннарашта хьалхашка къамаьл деш. Культуран, таьрахьашцарча оагIонца юкъедоаладе дезарех, тахан хьадаьннарашцара болх боаггIача боараме дIабахьарах дийцар лоархIамеча гулламе. Иштта йола халкъашта юкъера моттигаш лоархIаме я таханарча вахаре. Российски мехкашта иштта йолча кхетаченашка дакъа лацар боккха пайда боаржабеш да.
