«Хьал довзаш бу болх» яхача кхетаче дакъа лаьцар вай мехкахочо
Дешареи Ӏилмани гӀулакхех йолча Министерствон къаман ишколай гӀулакхех болча оагӀон болхло Вешкаранаькъан Хизар йоккхача Россе кхетаче дакъа лоацаш хилар. Цига дийцар, кагирхой терроризм яхача зуламах лорабеш бола болх мишта бе беза.
«Цига дагалаьцар, «Крокус Сити Холл» яхача моттиге байнараш. Россе лакхерча дешара, Ӏилманна кулгал деча Фальков Валере белгалдир, кхерамзлен хьал тоадар, цу оагӀонна тӀахьожам лоаттабар тахан эггара керттерчарех долга.
Министерствос, вузаша тахан боккха болх дӀакхухь цу лостамагӀа, терроризмах лорабеш йолча кхетаченашка гӀолла», - дийцар «Сердало» газетага Вешкаранаькъан Хизара. Кхетаче дийцар, из болх ма хулла дикагӀа тоабарах, иштта цу оагӀонцарча проектех.
Мехка тайп-тайпарча миӀингашкара говзанчаш гулбеннабар цига. Цун спикераш хиннаб, Россе дешареи Ӏилмани гӀулакхах йолча Министерствон болхлой, терроризма духьаларча къаман комитета доакъашхой, Россен лакхарча дешара моттигий кулгалхой.
