Санкт-Петербурге, бӀаргий лор волаш, болх беш ва вай мехкахо
Укх деношка хоза кхаъ бера вайга Санкт-Петербургера: бӀаргий лор вола Осканаькъан Хьусена Джамбулат офтольмалогех йола кандидатски диссертаци чакхъяьккха, лорий Ӏилмай кандидат яха цӀи йолаш; ший болх дӀахохьош ва, аьнна. Из хоам «Сердалога» бир унахцӀенон министерствера.
Цунна хьалха латтача Ӏалбаканаькъан Зарас даькъалавийцар вай мехкахо цу боккхача толамца. Киров С. М. цӀерах йолча тӀема-лорий академе дийша ваьнна Джамбулат интернатура а ординатура а цигга вузе дӀахьош хилар. Таханар ча дийнахьа из болх беш ваРоссе унахцӀон министерствон Федоров С.Н. цӀерах йолча, «БӀарга микрохирурги глаза» яхача МНТК Петербургски филиала «3-ча офтольмалогически даькъе.
«Россе офтольмологий оагӀон юкъе ва Осканаькъан Джамбулат. 1000 совгӀа операци яьй цо бӀаргашта геттара хала лоархӀачарех. Таханарча дийнахьа ший болх дика бовзаш, лакха говзал йола лор ва из», - белгалдир цу оагӀонцарча вай министерствос, мехкахо цу боккхача толамца даькъалавувцаш.
