ИнгГУ викалаша шоай балха говзал лакхйир Москве
Москверча Российски академе даькъ тӀа чакхъяьлар, лакхерча дешара моттигашка болх беш болча хьехархой балха говзал лакхъяра йола программа. Из хетаяь яр «Россе дин истори: лакхерча ишколе хьехара белгалонаш» яхача даькъа. Программе дакъа лоацаш бар вузий хьехархой, уж бар Россе тайп-тайпарча моттигашкара баьхка исторе, философе, культуран, ди лелабара кафедрай викалаш.
«ГӏалгӀай паччахьалкхен университетера цига дакъа лоацаш хилар философе Ӏилмай кандидат, «Даьймехка исторе» кафедра доцент Тоачанаькъан Марем, иштта цу кафедра ассистент Хамченаькъан Мухьмад. Цу моттиго таро елар керттера хаттараш довза - чоалхане темаш хьехаргара дина экстремизма профилактикага кхаччалца», - аьлар «Сердало» газетага ИнгГУ.
Россе дин даькъ тӀара кӀоаргаленаш яйзар доакъашхошта, цар исторически дегӀаахар, иштта таханарча хьалашка цар лелар. Цул совгӀа шоайла балха говзал екъа, цу даькъ тӀарча говзанчашца къамаьл де таро хилар.
