ИнгГУ викалаш дакъа лоацаш хилар, студенташта тӀема кийчо яра кхетаче
ГӏалгӀай паччахьалкхен университета викалаш дакъа лоацаш хилар «Студентий тӏема кийчо: таронаш, лаьрхӀараш тӀема операце» яхача кхетаче. Из болх бе йолаелар МИРЭА - Российски технологически университете. Кхетаче дӀахьош яр Россе герзашцарча низий министра гӀончас, РФ герзашцарча низий Керттерча тӀема-политически урхаллен кулгалхочо Горемыкин Виктора кулгал деш.
«Кхетаче гулбелар хьалхале лелаю кхелахой, вузий, бӀухой моттигий викалаш, цар дийцар тӀема кийчонца, лакхерча дешара даькъаца дувзаденна дешаш. Керттердар дар цига дувца лаьрхӀа - тӀема кийчон программа хилар, дешара кердадараш юкъедоаладар, иштта студенташта таронаш йоаржаеш йола дешара программа Ӏомаяр. ИнгГУ викал яр цига дешара балхах, иштта дешара дикалах йола проректор Лаьнанаькъан Светлана, тӀема дешара центра кулгалхо Кочесоков Валентин», - аьлар «Сердало» газетага республикан керттерча вузе.
Белгалду, хьатӀадоагӀача шера 100 шу дузаргда Даьхен тӀема кийчон граждански лакхара ишкол хьакхелла. Из дешар дӀадоладеннад 1926 шера маьтсела бетта 20-ча дийнахьа.
