«ЮГАГРО 2025» яхача гойтаме дакъа лаьцар вай мехкахоша
Хӏара шерарча лайчилла бетта Краснодаре дӏакхухь «ЮГАГРО 2025» яха къамашта юкъера гойтам. АПКаца дувзаденна керттердараш дувца гулбелар укх шера а цхьан доазон тӏа Россера, иштта кхыча мехкашкара лаьттанца къахьегараш.
Юртбоахама гӏулакхех йолча министерстве белгалдечох, вай мехкара цига бахараш ба министерствон кулгалхочун гӏонча Келиганаькъан Илез, КФХ «Долгиев», «Алмавит фрут» яхача моттигий кулгалхой. 40 совгӏа кхетаче, семинар, гойтама болх, иштта кхыдараш дӏадихьар цига.
«ЮГАГРО» юртбоахаме къахьегарашта лоархӏаме моттиг я. Керттерчарех дар таьрахьашцарча технологешца дувзаденнараш, бешамаш, комсий аренаш, иштта кхыдола беркат кхедар.
«Ший къамаьла юкъе РФ юртбоахама гӏулакхех йолча министерствон хьалха латтача Лут Оксанас белгалдир, йоккха йоацача юртбоахама моттигашта 15 млрд ахчанца паччахьалкхено гӏо лоаттадеш хилар. Йоккха йоаца лаьттанцара бизнес хьаллацарах йолча проектаца хургда из деррига», - дийцар кхетаче.
«ЮГАГРО» гойтам РФ Паччахьалкхено, РФ Федеральни Гуллама Федераце Кхело, РФ цу оагӏонцарча министерствос, Краснодарерча администраце, иштта кхыйолча моттигаша хьаллоацаш дӏахьош ба.
