«Россе культуран Министерствос кхетаче хьайийллар Российски паччахьалкхен керттерча кулгалхочо, РБА президента Дуда Вадима. Цига дакъа лоацаш хилар моттигашкара, областашкара библиотекай кулгалхой, иштта «Моттига зирак» яхача федеральни проекта кулгалхо.

Кхетачен доакъашхоша дийцар паччахьалкхен политикан цхьа дакъа библиотекаша дӀалоацаш хиларах, таханарча заман экономика дегӀайоалаяра йола проекташ дика кхоачашъярах.

«Моттига зирак» яхача мехка проекта кулгалхочо Малсаганаькъан Лидас дийцар ший балха новкъосташта шоаш дӀайихьача кхетаченех», - аьлар «Сердало» газетага региона керттерча библиотека зарбан болх лелабераша.

Россе культуран Министерствон кхетаче дӀахьош, иштта лаьрхӀар ГӀалгӀай Къаман библиотекан даькъ тӀа, РБА президента, РГБ керттерча кулгалхочо Дуда Владимира дакъа лоацаш, мехка моттигашта юкъера библиотекай цхьанкхетар дӀадахьа.

Белгалду, вай республике «Моттига зирак» яха федеральни проект, Янданаькъан Жамалдий цӀерагӀча Къаман библиотеке а Наьсарен-Шахьара Центральни модельни библиотеке а дика кхоачашъеш я. Проекта доакъашхоша кердадараш юкъедоахаш хиларах, цар таро я таханарча заман хьалаш хьакхолла.

Цу чу доагӀаш да командаца болх бе хар, хоамашта мах оттабар, керда таронаш лахар, чоалхане декхараш кхоачашдар.