Цӏихеза нохчий культуран болхло волча баха хилар КСВО доакъашхой
12.12.2025 09:49
Дуккхача шерашка кагирхой Даьхенцара безам кхебарах бола кхетам чӏоагӏбеш, царца къахьегаш хинна цӏихеза артист Токкаевгӏар Сулейман волча баха хилар Даьхен лорбой дезалий Комитета регионерча штаба доакъашхой. Даьхен Турпалий ди дездара тӏатайжа дӏахьош кхетаче яр из. «Сердалога» из хоам бера цу моттигера.
«Дуккхача шерашка культуран оагӏонца хьинаре къахьегаш хьавенача Сулеймана доккха баркал оалаш къамаьл дир штаба кулгал деча Эсамарзанаькъан ӏалаудина, иштта цун тоабо а. Майдилг, грамота, совгӏаташ дӏалуш; цар белгалдир, Сулейман массахана къаман культурах, исторех дог лазаш лаьтталга, цо хьийга къа дайнадоацилга», - дийцар тхога.
Цӏихеза актёр, хьехархо, иллиалархо лоархӏаш, везаш дӏадихьа гӏулакх дар из.
