Юкъарлон палате кхетаче дӏайихьар Минюста болхлоша
Республикерча юстице министерствон болхлой юкъе болаш, семинар-кхетаче дӏайихьар мехкарча Юкъарлон палате. 2026-ча шера денз, ахчанца ювзаенна йоацача моттигаша Россе Минюсте дӏачулуш дола балхаца дувзаденнараш электронни оагӏонца хургда. Бокъонашка из тайпара хувцам хиларах, цу оагӏонцара болхло йолча Кхоартой Феридес мехкарча НКО доакъашхошта из ма дарра довзийташ къамаьл дир.
Цо белгалдир, из хувцам цу оагӏонцара болх аттача боаккхаш, ма дарра аьлча, вӏашкаозаш болга. Балхаца дувзаденнарашта юкъе Ростата амарца соцам баьраш а хургда. Россе Минюста Портале довза йиш я уж НКО лаьрхӏача электронни оагӏонга гӏолла. Тахан белгалдечох, вай республикерча Российски Федераце юстице Министерствос,
2024-ча шерарча тушола бетта 29-ча дийнахьарча № 89 Россе Минюста тӏадиллар кхоачашдеш, реестра юкъейихьача коммерчески лоархӏаш йоацача моттигашца болх дӏахьу.
Минюсте белгалдечох, 2026-ча шера саькура бетта 3-ча денга диллача, коммерчески лоархӏаш йоацача 518 моттиго паччахьалкхен оагӏонца чӏоагӏо яьлга гойташ да: царна юкъера 180 - юкъарлон моттигаш; 287 кхыйола коммерчески лоархӏаш йоаца моттигаш; 14 - политически партей республикера моттигаш; 31 - дин оагӏонцара моттигаш, 6 гӏазкхий оагӏонаш. 450 НКО декхарийла я беш бола болх бовзийта.
Юкъедихьача кердадараша коммерчески лоархӏаш йоацача моттигий хӏама кӏезигагӏа дойтаргда, административни оагӏонцара болх а аттачахьа баргба, иштта НКО дувзаденнараш дикагӏа довзийташ хургда. Цу юкъе я гӏо деш йола, иштта вахара оагӏонцара моттигаш а.
