ГӏалгӀайчен тӀема гӏулакха викалаш сузашка тӏахьехам беш ба
05.02.2026 14:00
ГӏалгӀайчен тӀема гӏулакха викалаш тӏахьехам беш ба республикан юкъерча профессиональни дешара моттигашка. Тахан цар кхетаче хилар цӏерца къовсам лоаттабеча колледжа студенташца.
«ЛоархӀаме кхетаче дӀайихьар Шолжерча колледжа даькъ тӀа. Цига хьаьший болаш дакъа лаьцар, Магас-Шахьара контрактах (3 разряда) тӀема амал де хоржача пункта инструктора Зангенаькъан Мусас, Шолжа кхален тӀема комиссариата хьалхале лелаеча говзанча Зангенаькъан Исроапила. Цар дийцар контрактах амал дӀадахьарца дувзаденнача хаттарех, Россе тӀема училище деша оттара йолча таронех. Цу тайпара, къонача наха хьалхашка хьайийллар тӀема професси. Цар таро хилар шоашта дезаш дола хаттараш дала, мах бола хьехар хьаэца», - аьлар хоамо.
