ИнгГУ викало дакъа лаьцар, къонача хьехархой гулламе
ЛоархӀаме кхетаче дӀайихьар Нальчикерча дешара даькъ тӀа, цига хилар наьна метта, литературан къонача хьехархой гуллам. Цига дакъа лоацаш яр ГӏалгӀай паччахьалкхен университета гӀалгӀай метта кафедра ассистент МутаӀаланаькъан Заида. Цу майдан тӀа гулбелар начӀал дола Къилбаседа Кавказа федеральни даькъ тӀара хьехархой, тохкамхой. Кхетачен доакъашхой таро хилар хьехара даькъ тӀа массехк чоалхане хаттар тахка, Кавказа къамий культуран тӀехьален мах бола наьна метташ дегӀадоаладара дешара говзал дӀа-юха эца.
Наьна мотт, литература хьехаш болча къонача хьехархой кхетаченаш дӀахьу Россе федеральни миӏингашка, РФ дешара Министерствос паччахьалкхен декхараш кхоачашдеш хилара чудоагӀаш. Цар маӀан - къона хьехархой хьаллацар, уж балха говзал йолаш хилийтар, метта хьал, культуран тӀехьале лораяр», - аьлар «Сердало» газетага ИнгГУ.
Вӏашагӏкхийттача хьехархоша дийца керттера дош дар, тахан мел лоархӀаме да наьна мотт дегӀабоалабар, цу тӀехьа беш болча балха дикал лакхъяр. Иштта терко тӀаяхийтар, керда хьалаш юкъедахара, говзанчаша цу даькъ тӀа могадеш дар хьаэцара.
Наьна мотт дегӀабоалабар, из боацабар керттерча декхарех цаӀ лоархӀаш да тахан дешара даькъ тӀа вай паччахьалкхено. Кхетаче дӀахьош, къонача хьехархошта юкъе дукха бувзамаш чӀоагӀдир, шоайла балха говзал йийкъар.
