ГӀалгӀайчен викалá баркал аьлар берий багахбувцам вӀашагӀбеллараша
Ерригроссийски шоллагӀа берий багахбувцама хетаяь кхетаче яр Казане, из вӀашагӀъеллараша баркал аьлар Республикан халкъа кхоллама, культуран-кхетачений ЦӀен исбахьален кулгалхочунна АбдурзаковгӀар Аьсета.
Цул совгӀа, цунна делар «ГӀазкхий культуран дезала Ӏадаташ» яхача темах аттестестаци дика дӀаяхьарах дола тешал.
«Казане дӀахьош хиннача шоллагӀча берий берий багахбувцама кхетаче, 1000 гаргга къона доакъашхой вӀашагӀкхийтар ерригача Россера, цу юкъе яр тайп-тайпара кхетаченаш-концерташ, кхоллама говзанч-хьехамаш, дешара программаш, экскурсеш. Доакъашхоша гойтар иллеш, ашараш, халхараш», - аьлар «Сердало» газетага АбдурзаковгӀар Аьсета.
Хьалха из дӀахьош, вай республикера цига вахар къона ашархо Овшанаькъан Ӏаддал-Гафур. Къаьнарча гӀалгӀай дахчан пандарца иллеш доахаш ва из.
