ГӀалгӀайчен премьер-министр бахархой тӀаийбеш хилар
Бахархой тӀаийбу ди дӀадихьар мехка паччахьалкхен хьалха латтача Сластенин Владимира. Тайп-тайпарча моттигашкара хьакимаш хилар, цу кхетаче дакъа лоацаш. Из хоам «Сердалога» бир мехка кабминера.
«Хьакима тӀавена хиннача Пхьилекъонгий-Юртарча Орцханаькъан Ахьмада дехар дир, Заьзганаькъан цӀерах болча урам тӀа дагӀача, догӀа чудувлача ший цӀен хьал меттаоттаде гӀо де, аьнна. Хий дӀадаха деза моттигаш лертӀа цахиларах, цун цӀен зе деш хул массахана. Сластенин Владимира Наьсарен кхален администрацена тӀадиллар, ма хулла чехка из хьал меттадоаладе, аьнна», - йоах хоамо.
Иштта, Кокурхой Ӏалихана дехар дир, Илдарха-ГӀалий тӀарча Градусова оалача урам тӀа асфальта никъ билла шоашта, аьнна.
Паччахьалкхен кулгалхочо наькъашкарча хьалах йолча министерствонна тӀадиллар, цу моттигера никъ тоабеш болх дӀахьо, аьнна.
