ИнгГУ хьехархочо МГУ студенташта, ше гаьна волаш, лекци йийшар
ГӏалгӀай паччахьалкхен университета «Деррига юкъарча исторе» кафедра воккхагӀа волча хьехархочо Тебой Илеза онлайн-лекци йийшар М.В. Ломоносова цӀерагӀча Москверча паччахьалкхен университета географе факультета йиълагӀча курсе багӀача студенташта. Кхетаче хетаяь яр гӀалгӀай къаман мах болча культуран, исторе тӀехьаленна. Студенташта дайзар гӀалгӀай этнос хьакхолларах дола дакъа, цун Ӏадаташ, оамалаш. Къаьстта белгалйир исторически оагӀонаш, укх бӀаьшере а къам дегӀадара Ӏаткъаш хьайоагӀа.
«Лекци йийшар кафедра курсашта юкъе «Россе мехкий этнически хаттараш» дувцаш, иштта моттиг дӀалаьцар культуран тӀехьалено а», - аьлар «Сердало» газетага республикан керттерча вузе.
Лектора профессионализм лакха хиларах, массайолча оагӀорахьа чулоацам болаш цо лекци дӀаяхьарах, студенташта дайзар гӀалгӀай культуран тӀехьален мах бараш. Тебой Илеза, исторически оагӀонаш йовзийташ, теркам тӀабохийташ дийцар гӀалгӀай къаман таханара хьал, Россе дукхача къамашта юкъера цун вахара дакъа белгалдеш йийшар лекци.
Из ешаш, иштта теркалдир гӀалгӀай этнографе дешаш. Студенташта дайзар къаман гӀирсаш, даараш, дин гӀулакхаш, гӀалгӀаша деза лоархӏа хӏамаш.
