ИнгГУ хьехархой Дона-тӀарча-Ростове дӀахьоча Ӏилма дечунца дувзадеча кхетачен доакъашхой ба
Карарча хана, ГӀалгӀай паччахьалкхен университета хьехархой, шоай студенташца цхьана «Йоккха Кавказ: мах бола вахара оагӀонаш, вахара культуран доазонаш, политически цхьоагӀо» яхача Ерригроссийски Ӏилма дечунца дувзадеча кхетаче дакъа лоацаш ба, яхаш, дийцар «Сердало» газетага университета зарбан болх лелабераша.
«Дона-тӀарча-Ростове Малхбоален федеральни университета даькъ тӀа гулбелар мехка массайолча моттигий цӀихеза говзанчаш, Ӏилманхой, академически юкъарлон доакъашхой. Кхетачен керттера декхар дар, таханарча хьалашка политически цхьоагӀо чӀоагӀъяр», - аьлар хоамо.
ГӀалгӀайчен викалаш вай мехка Ӏилман карагӀдоалар, йоккха проекташ цига гойта лаьрхӀа ба. Герга истол дӀахьош, кагирхоша дийцар историко-культуран толамаш дахарах, филологически, вахарца дувзаденна тохкамаш дӀахьош хиларах.
«Даьхен исторе» кафедра воккхагӀа волча хьехархочо Тебойнаькъан Илеза хоадам боллаш дийцар; цу тайпара дӀахьош йолча кхетаченаша Ӏилман бувзамаш чӀоагӀдарах; дувцачун а дечун а кердадараш дукхагӀа юкъедахарах; цунца цхьана университета таронаш ерригроссийски боараме яха йиш хиларах.
