Дешареи Ӏилмани гӀулакхех йолча Министерствон болхлой юкъе болаш, бахархой тӀаийбу ди дӀахьоргда УПЧ
20.08.2025 09:01
УПЧ бахархой тӀаийбу ди дӀахьоча дакъа лоацаш хургба дешареи Ӏилмани гӀулакхех йолча министерствон болхлой. Из хоам «Сердалога» бир цу моттигера. ПӀаьраска дийнахьа дӀахьоргйолча кхетаче доашхаргда дешара оагӀонцарча бокъонца дувзаденнараш. Кхетачен керттера декхар- дешарца дувзаденна гӀулакхаш боаггӀача боараме чакхдахарца дувзаденна хаттараш тахкар.
«Цига дӀатӀаводача сагага паспорт хила деза. Ший хаттар яздаь дӀачудалар дикагӀа да. Латтача бокъонга хьежжа тохкаргда бахархоша тӀадена хӀара хаттар.
ДӀахо де дезар хьалхадоаккхаргда мехкахошта. Дешара оагӀонцара наьха бокъонаш лораяра тӀехьа дӀахьош ба из болх.
