СВО доакъашхой, цар дезалаш тӀаийцар ГӀалгӀайчен прокурора хьалхарча заместитела
ГӀалгӀай республикан прокурора хьалхарча заместитела Воробьев Темура, дукха нах тӀаэцара чудоагӀаш, СВО доакъашхой, цар дезалаш тӀаийцар ГӀалгӀайчен «Даьхен Лорбой» ганза филиале, яхаш, дийцар «Сердало» газетага мехка тӀахьожамхоша.
«Цу лоархӀамеча кхетачена дакъа лоацаш бар филиала кулгалхо Оздой Муслим, ГӀалгӀай Республикан прокурора нах тӀаэцарах, цар хаттараш тахкарах воккхагӀа вола гӀонча Гаьгенаькъан Хьусен. Цар тӀаийцар ворхӀ саг», -йоах хоамо.
Бахархой бокъонаш меттаоттаеш новкъостал дир, дукхагӀча даькъе дийцараш лаьтта хьадаларца дувзаденна дешаш дар, иштта вахаре эша новкъостал а чудоагӀаш.
Цига белгалдаь хинна хаттараш тахкара болх тӀабиллар цу гӀулакха тӀахьожам лоаттабеча Ӏаьдала болхлошта.
Республикан прокуратуре белгалдир, цу тайпара СВО доакъашхой, цар дезалаш тӀаэцара, цар хаттараш тахкара болх дӀахо дӀахьоргба, аьнна.
