Кхааш ийдара духьала къахьегача «Нахаца даьча къамаьлах» малагӀа пайда баьннаб хьежар пирстопаш
Кхааш ийдара духьалара «Нахаца даьча къамаьлацара» болх мишта дӀабода хьожаш хилар республикерча Россе суда пирсопий федеральни оагӀон къахьегамхой. Из хоам «Сердалога» бир цигарча болхлоша.
«Болх дӀахьоча юкъа, «Нахаца даьча къамаьле» пхе сага гӀо дехаш, телефон техай цига. Юридически оагӀонцара новкъостал даьд царна. Кхааш ийдерашта духьала мишта хьовза веза, малагӀа гӀод да царна доагӀар, суда пирстопаша баь соцам юха тахка чубалар мишта дӀадахьа деза хетташ бар нах. ХӀара хаттар боаггӀача боараме доашхаш болх дӀабихьар», - йоах хоамо.
Кхааш дӀаийдеш волча сага духьала эггара хьалха фу де деза, малагӀча моттиге телефон дӀатеха оарц даккха деза, хьалхадаьккхар бахархошта.
Цу кхетаченах доккха гӀо хилар юридически оагӀонцара новкъостал эшача наха. Цу тайпара моллагӀа хатар пирстопашка дӀадала йиш йола номераш: 8 (8734) 55-19-97, 8(8734) 55-19-75.
