Бахархой тӏаийбу ди дӏадихьар, Магӏалбика кхален администраце
Бахархой тӏаийбу ди дӏадихьар, Магӏалбика кхален администраце. Цига дакъа лоацаш вар кхален администрацена кулгал деш вола Къоастой ӏаддал-Хьамид, юрташкарча администрацей кулгалхой, иштта кхыбола болхлой.
Хьатӏаухача наха тӏакхихьа хаттараш тайп-тайпара оагӏонаш чулоацаш дар. Цхьаккха хӏама дитанзар хьакимаша, теркаме ца лоацаш. «Заьзгакъонгий-Юртара яхархо латкъаш яр; ток боаггӏача боараме цахиларах хала да шоай вахар, яхаш. Керда бӏоагӏий дегӏа, дикагӏа дола тока саьргаш чудаьхка ма хулла сихагӏа тоаде лаьрхӏар из гӏулакх.
Аргӏанарча кхалсага дехар дир, ше доал деш леладеш долча бера каьхаташ вӏаштӏехьадаха гӏо де шийна яхаш», - дийцар «Сердалога» администраце болхлоша.
Тӏакхихьача хаттарашта юкъе дар урамаш тоадарца, халача хала боахкарашта гӏо лоаттадарца, лаьттан доазонца дувзаденнараш. Къоастой ӏаддал-Хьамида белгалдир, бахархошца бувзаме хилар тахан чӏоагӏа лоархӏаме болх болга.
