ЦӀагӀа хьадаь къаракъ дохкарах, суд ергья
Нохчий Республикан вахархо суда хьалхашка оттаргва, корта бохабу малар дохкаш а цӀагӀа из леладеш а хиларах, яхаш, дийцар «Сердало» газетага республикерча бокъонаш лораераша.
«Тохкама балхо хьагойтачох, 2024 шера ардара бетта, «ЦӀагӀара лор» яха спирт доаллаш йола ялхайтта ах литр чуйола шушаш ийцар цо. Цу продукце сертификат, е дикал хилара каьхат дацар, цох гуш дар из къайлагӀа дохкаш хилар. Цу сага цӀагӀа хьадаь малар ГӀажарий-Юртарча машиний базар тӀа къайлагӀа леладаьд, дӀахо дохкаргдолаш», - аьлар прокуратуре.
Из иштта дий хьожаш бола болх дӀахьош, бокъонаш лораяра болхлошка цо из дехкад 200 сомах. Полицена уж санна йола 15 шуша корайир. Экспертиза хьагойтар, цу маларах сага могашала доккха зе даргдолга.
Уголовни гӀулакх дӀадахьийтар ГӀалгӀай Шолжа кхален суде, дӀахо тохкаргдолаш.
