Дӏахо дӏахьош ба Магӏалбика кхален Нурадилова урам тоабара болх
Магӏалбик-Шахьаре доккха балхаш деш латт Х. Нурадилова цӏерагӏча урам тӏа, наькъа йистошка кхера оттабеш, тӏера наькъа асфальта оаса бохийташ. Цӏенхаштта тоабара болх урам тӏа чакхбаьккхаб беррига а. Карарча хана говзанчаш дӏахьош ба гӏашлой наькъ тӏа плитка тохаш бола болх. Керда наькъа такилгаш хьакхоллаш хиларо таро лу урамашка кхерамзлен ӏалашо е, шахьара бахархошта сарахьа арабаьнна никъ бе, шоашта болча салоӏама.
«Кердадаьхача наькъаша таро лу кхерамзлен ӏалашо ярал совгӏа, урама юкъара кеп а хувца. Тоадара болх беш лелаю таханарча заман технологеш, цудухьа из никъ дукха бахаргболаш а, дикал лакха йолаш а ба», - аьлар «Сердало» газетага шахьара администраце.
Юххера а, болх чакхбоалаш массанахьа сердал хургья. Лаьрхӏад таханарча заман сердал луш долча гӏирсашца къаьнардараш хувца, цо таро лургья баьдъенначул тӏехьагӏа дикагӏа сердал яла, ток кӏезигагӏа йоае.
Цу тайпара болх дӏабахьар лоархӏаме да Магӏалбик-Шахьара хьал тоадара, бахархой вахара хьалаш хьакхоллара.
