ГӀалгӀайчен туризма даькъ тӀара проект дикагӀчарех лаьрхӀар
ЖӀайрахьа-Ахабоарзен паччахьалкхен историко-архитектурни, Ӏалама музей-заповедник дегӀайоалаяра проект гойтар ГӀалгӀайчено, «Хургдолчун моттиг» яха мохк дегӀабара Деношта хетаяь яхь дӀахьош. Из хилар «Росси» яхача Халкъашта юкъерча гойтаме. Туризма даькъ тӀа дикагӀчарех я, аьнна, тӀаийцар из.
Кхадж тессачул тӀехьагӀа, вай республико гойтача проекта тӀехьа 65 230 саг хилар», - аьлар «Сердало» газетага ЖӀайрахьарча музее-заповеднике.
Из музей-заповедник чӀоагӀа хозача моттиге я, цига туристий теркам тӀаоз хозача моттигаша, иштта йовза безам хул дӀаяхача замашка гӀалгӀай баьхача кхерах хьалъеттача гӀалаша.
Укхаза вена саг, цу гӀалашка ца хьожаш а, царех цец ца воалаш а висац, цар таро хул цу тамашийнача моттигашка гӀолла лела, Ӏалама хоза миӀингаш йовза, цӀенача феца садаха.
