ГIалгIайчен дешархой проект дикагIчарех цаI хилар, Ерригроссийски яхье
ГIалгIай дешархой «С. С. Осканова цIерагIа парк - хIаранена салаIа моттиг» яха проект Ерригроссийски яхье дикагIа йолча кхаьннена юкъеяхар, яхаш, дийцар «Сердало» газетага «Хьалхарчар болама» моттигерча отделене.
«Ховш ма хиллара, ГIалгIайчен лётчика, 1992 шера Хворостянка яхача юрта гаьнадаьккха фецара кема Iохоадеш, ший са дIаделар.
Илдарха-ГIалан №2 йолча юкъерча ишкола дешархоша Российски Федераце хьалхарча Турпалхочун Осканаькъан Суламбика сийна салоIама парк хьакхоллар юкъедоаладир.
Говзанчаша лакха мах оттабир цу берий дикача уйлашта, цул тIехьагIа ишкола 100 000 сома маьха грант елар, из кхоачашдара. Из дагадехар яр 11-ча класса дешархо Бисайнаькъан Лейла, цунца цхьана къахьегаш хилар Баркинхой Динара, Овшанаькъан Ислам, ГIазданаькъан Мухьаммад-Амин, Горчхананаькъан Джамиля», - аьлар хоамо.
